Tơring čar Kiên Giang hơmâo 120 rơbâo čô mơnuih djru hơkrŭ hơmâo tŭ yap hăng djru brơi. Amăng anun hơmâo 1.782 amĭ hơmâo arăng jao miđai amĭ Việt Nam sông kơtang. Amăng mông bưp, Kơ-iăng khua dêh čar ơi Trần Lưu Quang mơ-it tơlơi pơpŭ hiam klă tơl ƀing mơnuih djru hơkrŭ amăng tơring čar Kiên Giang hăng mơ-it nao tơlơi tơña bla, pơpŭ hơdor tơngia hăng hơdôm tơlơi gum pơgôp prong prin mơng ƀing mơnuih djru hơkrŭ, hăng gru grua mơñum ia hơdor kơ pô klơi.

Pơpŭ bơni Kiên Giang hơmâo đing nao mơnuih djru hơkrŭ, laih dong lăng yôm hơdôm tơlơi pơgôp hiăp, rơkâo đĭ mơng mơnuih djru hơkrŭ kơ bruă đĭ tui rơnoh prăk djru brơi, samơ̆ Kơ-iăng khua dêh čar ơi Trần Lưu Quang pơtă pơtăn tơring čar Kiên Giang kiăng hơmâo hơdră phara kiăng gum tơngan hrŏm hăng Kơnuk kơna bơwih brơi tơlơi hơdip kơ mơnuih djru hơkrŭ.