VOV4.Jarai - Kơ-iăng Khua dêh čar ơi Vũ Đức Đam phrâo nao čuă hăng ƀơk gơnam brơi hơdôm sang anŏ kơnuk kơna čem rông ba, sang anŏ ƀun rin, kông nhơn, mơnuih mă bruă bưp tơnap tap yua bơbeč mơng klin Covid-19 ƀơi tơring čar Bình Thuận. Kơ-iăng khua dêh čar hơmâo lăi nao hơdôm tơlơi tơnap tap, glêh glar mơng mơnuih ƀon sang bưp amăng thun 2021.

Kơ-iăng khua dêh čar nao pơpŭ thun phrâo Anom bruă git gai ling tơhan wai pơgang guai tơring čar Bình Thuận

Laih dong rơkâo djop anom bruă mơnuih mă bruă mut phung amăng tơring čar đing nao djru brơi klăk dong kơ mơnuih mă bruă; sit biă ñu đing nao ƀing mơnuih bơbeč nao kơtang mơng klin Cvoid-19. Ƀrô tal anai, grup hyu mă bruă hơmâo ƀơk 550 anung gơnam brơi hơdôm sang anŏ kơnuk kơna čem rông ba, sang anŏ ƀun rin, kông nhơn, mơnuih mă bruă, sang anŏ bưp tơnap yua bơbeč mơng klin Covid-19. Grup ăt nao čuă hăng ƀơk gơnam brơi Anom bruă git gai ling tơhan wai pơgang guai tơring čar Bình Thuận hăng amĭ Việt Nam sông kơtang Lê Thị Đặng ƀơi phường Phú Tài, plơi prong Phan Thiết.

Siu Đoan: Pơblang