Kơ-iăng khua dêh čar Trần Lưu Quang nao lăng hrơi pơpŭ 143 čô čơđai sang hră, hlăk ai djuai ania ƀiă ba gru thun 2023
Thứ năm, 10:54, 28/12/2023
VOV/Siu Đoan Pơblang
VOV/Siu Đoan Pơblang
VOV4.Jarai-Ƀơi Hà Nội, Jơnum min djuai ania git gai, gum hrŏm hăng Ding jum pơtô pơjuăt, Khul hlăk rơnuk Hồ Chí Minh pơphun jơlan hơdră pơpŭ bơni 143 čô čơđai sang hră, hlăk ai mơnuih djuai ania ƀiă rơgơi, ba gru tal 10 thun 2023.
Đĭ pơhiăp amăng mông pơpŭ bơni, Kơ-iăng khua dêh čar Trần Lưu Quang brơi thâo, Ping gah hăng Kơnuk kơna đing nao biă mă bruă pơđĭ kyar bơwih ƀong huă-mơnuih mơnam kual mơnuih djuai ania ƀiă hăng čư̆ siăng; hơmâo pơtrun lu hơdră yôm phăn kiăng pơtrut pơđĭ kyar kual anai, amăng anun hơmâo bruă pơtô pơjuăt.
Samơ̆, yua lu kual dŏ tơnap tap, kơƀah djop mơta, anun kual mơnuih djuai ania ƀiă hăng čư̆ siăng aka ƀu tơbiă mơng kual pơđĭ kyar kaih. Yua anun Kơ-iăng khua dêh čar čang rơmang ƀing čơđai sang hră tŏ tui pơgôp tañ ba kual mơnuih djuai ania ƀiă hăng čư̆ siăng tơbiă mơng kual pơđĭ kyar kaih.
Viết bình luận