Kơ-iăng Khua git gai pơ ala mơnuih ƀôn sang dêh čar ơi Đỗ Văn Chiến lăng yôm tơlơi đing nao mơng tơring čar Nghệ An hăng bruă bơwih brơi, wai pơgang hăng pơtô pơjuăt brơi ƀing čơđai, sit biă ñu lĕ ƀing čơđai tơnap tap. Đơ đam tơring čar ră anai hơmâo giăm 8.000 čô čơđai tơnap tap hơmâo tơlơi đing nao, djru brơi tui hluai djop mơta.

Hơdôm bruă bơwih brơi, čem rông hăng djru brơi ƀing čơđai jai hơmâo lu djop mơta, lăp djơ̆ hăng rĭm čô mơnuih. Kơ-iăng Khua git gai pơ ala mơnuih ƀôn sang dêh čar ơi Đỗ Văn Chiến čang rơmang ƀing čơđai gir kơtir hrăm hră, hmư̆ hiăp, gum pơgôp, ngă tui klă rơma tơlơi wa Hô pơtô; anăm mlâo yua sang tơnap tap mơ̆ kiăng đăo gơnang, gir run hăng hơdip anăp nao kơñ pơgi hiam klă hloh.