Ngă tui bruă mă “500 hrơi mlăm hyu ĕp, kuai rŭ hăng pơsit anăn krăn pô tơhan djai drơi kơ lŏn ia”, să Đăk Tờ Kan, tơring čar Quảng Ngãi hyu ĕp ƀơi 6 bit anih đing hơmâo tơhan djai laih anun hơmâo ƀuh, kuai rŭ 1 per tơlang anun lĕ ơi A Ngõa. Tơhan djai pơsăn drơi A Ngõa, plơi pơ Tê Xô Trong, să Đăk Tờ Kan, tơring glông Tu Mơ Rông, tơring čar Kon Tum hơđăp (ră anai lĕ plơi Tea Kan, să Đăk Tơ Kan, tơring čar Quảng Ngãi) jing tơhan du kích blah rŭi hyu.

Lơ̆m glăk ngă bruă, ơi A Ngõa djai yua tơhan Fulro pơnah; djai kơnôl 30/10/1980, hơmâo Kơnuk kơna brơi hră tơhan djai pơsăn drơi kơ lŏn ia. Jơnum min mơnuih ƀôn sang să Đăk Tờ Kan rơkâo anom apăn bruă kơnuk kơna ngă hrŏm hăng să Tu Mơ Rông ngă yang ba pơyua rơgŏm ơi A Ngõa pơ Pơsat tơhan djai pơsăn drơi Tu Mơ Rông tui hăng tơlơi rơkâo mơ̆ng sang anŏ pô djai./.