VOV4.Jarai - Mơguah lơ 17/10, Thượng tướng Trần Quang Phương, Kơ-iăng Khua git gai wai lăng pơ ala mơnuih ƀôn sang hmâo laih mông bưp mơnuih pơ ala  mơnuih ƀôn sang lĕ mơnuih apăn bruă, mơnuih mă bruă gah Sang bruă djŏng ia jâo Bình Sơn (Quảng Ngãi). Amăng mông bưp, lu mơnuih pơ ala ƀơi Sang bruă djŏng ia jâo Bình Sơn lăi đĭ anô̆ akă gal ƀơi Kual bơwih ƀong Dung Quất lom akă hmâo tơlơi pơplih pha ra amăng tuh pơplai pơđĭ kyar bruă djŏng ia jâo.

Kơ-iăng Khua git gai wai lăng pơ ala mơnuih ƀôn sang dêh čar Trần Quang Phương bưp mơnuih ƀôn sang ƀơi Quảng Ngãi

Truh ră anai, Kơnuk kơna ăt akă hmâo mơn tơlơi tuh pơplai phun kiăng pơjing rai sa anom djŏng ia jâo hmâo akô̆ tlôn hmâo tơhnal pơkă lŏn ia khă hmâo bôh tŭ yua lĕ hmâo Sang măi djŏng ia jâo Dung Quất. Lu mơnuih pơ ala ăt gum pơhiăp mơn kơ sa mrô mơnuih mă bruă ƀơi Kual bơwih ƀong Dung Quất hăng ƀơi Sang măi djŏng ia jâo Dung Quất prong hloh samơ̆ kơƀah sang dô̆ kơ mơnuih mă bruă. Kơ-iăng Khua git gai wai lăng pơ ala mơnuih ƀôn sang Trần Quang Phương djă pioh hơdôm tơlơi gum pơhiăp mơng mơnuih pơ ala kơ Sang bruă djŏng ia jâo Bình Sơn hăng lăi lĕ, bruă bưp mơnuih pơ ala tui akô̆ bruă anai yôm phăn biă kiăng thâo tơlơi pơmin, tơlơi čang rơmang mơng mơnuih mă bruă kơ tal jơnum lok 4, Khua pơ ala mơnuih ƀôn sang dêh čar tal 15./.

VOV.VN/Siu H’ Prăk pơblang