Kon Tum: Hơmâo tơlơi pơtrun ječ ameč ƀơi 2 ring bruă jơlan nao rai hăng dơnao kŏng ia ƀơi tơring glông Sa Thầy
Thứ năm, 10:24, 16/11/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Jơnum min mơnuih ƀôn sang tơring čar Kon Tum pơsit tơlơi pơtrun ječ ameč hăng ring bruă ming pơkra tơlơi truh lŏn tơhlŏm, jơlan răm rai ƀơi jơlan 674 phrâo Yaly - plơi Tam An, să Sa Sơn - Ta Mô, plơi Rẽ, să Mô Rai hăng bruă pơkra ming dơnao kŏng ia Đăk Ngao 1, tơring glông guai dêh čar Sa Thầy.
Ƀơi tơlơi pơtrun ječ ameč hăng 2 ring bruă jơlan nao rai hăng dơnao kŏng ia ƀơi tơring glông Sa Thầy, Jơnum min mơnuih ƀôn sang tơring čar Kon Tum git gai Gơnong bruă Jơlan glông pơdŭ pơgiăng hăng Anom bruă wai lăng mă yua ring bruă dơnao kŏng ia tơring čar Kon Tum ječ ameč čih pơkra hră tuh pơ alin man pơdong kơčăo bruă ječ ameč pơkra ming anih lŏn tơhlŏm, răm rai hăng 2 ring bruă hơmâo lăi nao. Hlâo kơ anun, amăng blan 6 hăng blan 7 thun 2023, hơjan prong na nao ƀơi tơring glông Sa Thầy răm rai, tơhroh abih laih ƀơi hơdôm ring bruă ƀơi jơlan 674 phrâo Yaly - plơi Tam An, să Sa Sơn - Ya Mô, plơi Rẽ, să Mô Rai hăng ring bruă pơkra dơnao ia Đăk Ngao 1, tơring glông guai dêh čar Sa Thầy.
Viết bình luận