Kon Tum lŏm lui rơbêh ha mơkrah mrô sang dŏ tơ̆i, sang phŏ
Thứ ba, 15:19, 18/03/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Hăng lu hơdră ngă bruă wơ̆t hăng iâu pơthưr hơmâo tơlơi gum djru mơ̆ng abih bang mơnuih, abih rơwang hrơi tơjuh anai tơring čar Kon Tum hơmâo lŏm lui rơbêh ha mơkrah mrô sang dŏ tơ̆i, sang phŏ.
Tong ten ñu truh ră anai, tơring čar Kon Tum djru ba 1.390 boh sang anŏ huăi dŏ dong tah amăng sang tơ̆i, amăng anun hơmâo 1.079 boh sang hơmâo pơkra phrâo, mrô sang hơmâo pơkra glăi lĕ 311 boh sang. tui anun, yap truh ră anai tơring čar Kon Tum hơmâo ruh đuăi rơbêh ha mơkrah amăng mrô 2.752 boh sang tơ̆i, sang phŏ kiăng man pơdong phrâo hăng ming pơkra glăi mơ̆ng tơring čar.
Ƀơi guai dêh čar tơring glông Sa Thầy, Kon Tum, tơring glông hơmâo man pơdong phrâo hăng pơkra glăi hơmâo 312/346 boh sang. Ơi Bùi Văn Quang, Kơ-iăng khua Jơnum min djŏp djuai ania mơnuih mơnam Việt Nam tơring glông Sa Thầy brơi thâo, tơring glông glăk gir kiăng tañ ngă giong bruă lŏm abih sang dŏ tơ̆i, sang phŏ amăng blan 3 anai.
Viết bình luận