Ngă tui tơhnal pơkă lŏm lui sang tơ̆i, sang phŏ kơ mơnuih ƀôn sang, truh mông anai, tơring čar Kon Tum hơmâo man pơdong phrâo, ming pơkra glăi giăm 2.400 boh sang djop 86% pơkă hăng mrô sang tơ̆i ră anai hlăk kiăng ming pơkra glăi. Amăng 2.400 boh sang anun, dưi hơmâo tơring čar Kon Tum pok pơhai phrâo, man pơdong, ming pơkra glăi giăm 1.250 boh sang mơnuih ƀôn sang mut dŏ laih.

Hăng bruă ngă giong abih bang 155 boh sang, amăng anun 102 boh sang man pơdong phrâo, 53 boh sang ming glăi. Tơring glông Kon Braih (Kon Rẫy) jing tơring glông blung a tơring čar Kon Tum ngă giong tơhnam bruă jao pơdong brơi sang kơ ană plơi ƀun rin. Kiăng dưi ngă djop mrô jao pơsir sang tơ̆i, sang phŏ kơ mơnuih ƀôn sang abih bang hơmâo 2.752 boh sang anŏ amăng tơring čar rơnuč blan 6 thun anai khom ngă giong, tơring čar Kon Tum hlăk pơsir hĭ tơlơi tơnap tap kơƀah prăk, amăng anun hơmâo lu tơlơi ƀuăn mơ̆ng hơdôm sang bruă, ƀing ngă bruă sĭ mơdrô.