Kông điêng mơ-it Khua Jơnum min mơnuih ƀôn sang hơdôm boh tơring čar, ƀôn prong kual kơdư, kual lŏn dăo kơdư hăng kual kơdư tong krah hăng hơdôm ding jum, gơnong bruă bơdjơ̆ nao lăi rơđah tui anai: Hơdôm hrơi laih rơgao, Kual kơdư hăng Kơdư tong krah glăk yak nao bơyan rơ-ơ̆ kơtang hloh, ƀơi kual čư̆ siăng kriang pơtâo ƀuh pler bơdjơ̆ sat nao tơlơi suaih pral kơ mơnuih ƀôn sang hăng bruă rông hloh mơnong, bruă ngă đang hmua.

Kiăng gơgrong bong glăi, Khua dêh čar rơkâo djop ƀon lan pơphun kiăo tui lăng ayuh hyiăng pơplih sat, gơgrong git gai, pok pơhai hơdôm hơdră pơgang rơ-ơ̆ rơ-ŏt, bơdjơ̆ sat nao tơlơi suaih pral kơ mơnuih ƀon sang, pơgang rơ-ŏt, hlăt mŏt pơčrăm ƀơi phun pla, hlô rông, akan hơdang kiăng plai ƀiă anŏ răm rai amăng bruă bơwih ƀong ngă đang hmua. Anăm ngă amưng, pơtah hơtai; hmao tlôn pơphun hơdôm grup hyu mă bruă nao tơl anih anom, sit biă ñu lĕ hơdôm boh să čư̆ siăng kiăng pơtô pơblang, črâo ba, pel ĕp, pơtrut pơsur bruă pơgang rơ-ŏt brơi mơnuih ƀôn sang, phun pla, hlô rông…kiăng kơ pơhlôm huăi ngă răm rai, pơhlôm brơi mơnong ƀong huă, gơnam yua kiăng hloh brơi mơnuih ƀon sang amăng bơyan rơnuč thun hăng čơkă thun phrâo tui phiăn juăt.