VOV4.Jarai - Thun anai, Kông ti apui lơtrik phun kual tong krah pơsit mă yua 3 klai 500 klăk prăk mơng Keh prăk djru mơnuih mơnam kiăng kơ man pơdong 70 boh sang khăp pap brơi hơdôm sang anŏ kơnuk kơna čem rông ba, ƀing mơnuih djru hơkrŭ, hơdôm sang anŏ bơbeč nao kơtang mơng klin Covid-19, sang anŏ ƀun rin.. amăng 13 boh tơring čar kual tong krah - Dap kơdư. Kông ti apui lơtrik phun kual Dap kơdư jao brơi 13 boh kông ti apui lơtrik hăng kông ti bơwih bơwang gah apui lơtrik kual tong krah pok pơhai gum hrŏm kjăp hăng gong gai ƀon lan kiăng kơ pel ĕp djơ̆ mơnuih hlâo kơ djru brơi. Thun hlâo, Kông ti apui lơtrik phun kual Tong krah hơmâo pơgôp giăm 36 klai prăk mơng keh prăk vaccine pơgang klin Covid-19 hăng hơdôm bruă gum djru mơnuih mơnam pơkŏn ƀơi hơdôm tơring čar, plơi prong kual tong krah - Dap kơdư.

Siu Đoan: Pơblang