VOV4.Jarai - Mơguah lơ 19/7, Jơnum min mơnuih ƀôn sang tơring čar Kontum pơphun Jơnum bơni mơnuih djru ngă hơkrŭ đưm mơbruă hăng să, phường ngă klă bruă pioh kơ Ling tơhan rơka ruă, pơsăn drơi jăn. Nao pơhmư̆ mông jơnum hmâo 101 čô mơnuih djru ngă hơkrŭ đưm mơbruă hăng khua pơ ala kơ hơdôm bôh să, phường ngă klă bruă Ling tơhan rơka ruă hăng pơsăn drơi.

Đơ đam tơring čar Kontum hmâo rơbêh kơ 50.600 čô mơnuih hmâo laih hăng glăk hmâo čơkă mă hơdră gum djru, truh ră anai dô̆ rơbêh kơ 5.100 čô mơnuih glăk dưi čơkă mă prăk djru rim blan. 5 thun rơgao, bruă ngă tui hơdră bruă gum djru mơnuih djru ngă hơkrŭ đưm dưi hmâo hơdôm gưl, hơdôm gơnong bruă amăng tơring čar pok pơhai klă ngă tui hăng ba glăi lu bôh tơhnal sit nik tơlơi hơdor tơngia hăng ƀing ling tơhan pơsăn drơi, sang anô̆ tơhan pơsăn drơi, mơnuih djru ngă hơkrŭ đưm. Tơring čar hmâo pioh laih rơbêh kơ 51 klai prăk yua pơkă pơhư prong 21 ring bruă pioh kơ ling tơhan pơsăn drơi./.

Siu H’ Prăk: Pơblang