VOV4.Jarai - Kơ-iăng Khua dêh čar ta ơi Lê Minh Khái hmâo kĭ hơdôm tơlơi pơsit pha brơi braih mơng dêh čar ta djă pioh kơ 9 bôh tơring čar kiăng djru mơnuih ƀôn sang amăng tal Tết tui phiăn juăt Nhâm Dần, giăm bơyan tơjŭ pla akô̆ thun 2022 hăng mơnuih ƀôn sang bơdjơ̆ nao mơng hơjan ia ling dăo. Rơđah iă ñu, pha brơi rơbêh kơ 13 rơbâo tơn braih pioh djru tal Tết tui phiăn juăt Nhâm Dần 2022 kơ hơdôm bôh tơring čar: Tây Ninh rơbêh kơ 825 tơn; Cao Bằng rơbêh kơ 624 tơn; Phú Yên 1.000 tơn; Ninh Thuận 1.508 tơn; Nghệ An 1.140 tơn; Gialai 692 tơn; Quảng Bình 1.102 tơn. Ding jum prăk kak ăt mă yua mơn giăm truh 3.000 tơn braih pioh djru giăm bơyan tơjŭ pla akô̆ thun 2022 kơ hơdôm bôh tơring čar: Cao Bằng 1.093 tơn; Gialai 698 tơn; Quảng Bình 1.184 tơn./.

Siu H’ Prăk: Pơblang