VOV4.Jarai-Hơdră pơhlôm, pơgang klin Covid 19 phrâo hơmâo Kơ-iăng Khua dêh čar ơi Vũ Đức Đam kĭ hră pơtrun lơ 17/3/2022. Hơdră anai dưi ngă tui amăng 2 thun mơ̆ng thun 2022-2023. Tơdah klin kheng abih tañ hloh ƀudah sui truh thun 2024, Ding jum ia jrao lăi pơthâo hăng Kơnuk kơna sem glăi bruă ăt ngă pơgiong Hơdră anai ƀudah pơblih glăi, pơhrua nao dơ̆ng hmao kru, djơ̆ hăng tơlơi gêh găl klin kheng.

Tơhnal pơkă rơđah rơđong Hơdră anai lĕ ngă hiư̆m pă mrô mơnuih tlâ̆o vaccine pơgang Covid 19 khom djop. Truh abih 3 blan akŏ thun 2022 ngă pơgiong bruă tlâ̆o 2 arăt vaccine kơ mơnuih mơ̆ng 12 thun truh gah yŭ 18 thun, tlâ̆o djop 3 arăt kơ mơnuih mơ̆ng 18 thun pơngŏ; pơhlôm djop ia jrao vaccine hăng ngă giong bruă tlâ̆o ia jrao kơ čơđai mơ̆ng 5 thun truh 12 thun hlâo kơ truh blan 9 thun 2022.

Nay Jek: Pơblang