VOV4.Jarai - Mơguah lơ 12/4, Ding jum bruă mă, tơhan rơka hăng mơnuih mơnam, Khul pơlir hơbit mơnuih mă bruă Việt Nam, Hră pơhlôm nua mơnuih mơnam Việt Nam, Khul pơlir hơbit sĭ mơdrô hăng tuh tia pơkra pơjing Việt Nam, Khul anom bơwih ƀong sĭ mơdrô anet hăng gap ƀrô Việt Nam kĭ pơkôl jơlan hơdră gum hrŏm kơ bruă djru brơi mơnuih mă bruă, anih anom yua mơnuih mă bruă hăng pơđĭ kyar klă dong bruă yua mơnuih mă bruă. Sit biă ñu, pơ anăp anai, djop bơnah pok pơhai khut khăt, tŭ yua, pơhlôm djop mơta bruă, hơdră mơng Jơlan hơdră hơkrŭ glăi pơđĭ kyar bơwih ƀong huă - mơnuih mơnam tui tơlơi pơtrun mrô 11 mơng Kơnuk kơna; pơhlôm ngă tui hơnong pơkă pơđĭ kyar tơlơi rô nao rai amăng mơuih mă bruă brơi lăp djơ̆, hơđong hăng pơplih phrâo amăng rơnuk phrâo.

Mông kĭ pơkôl kơplah wah hơdôm anom bruă

Pơlir hơbit kơ bruă ĕp hăng mă yua mơnuih mă bruă hơđong kjăp, ĕp brơi djop mơnuih mă bruă thâo rơgơi kơ hơdôm anih anom; tŏ ngă tui tŭ yua hơdôm hơdră djru, tơlơi dưi kơ mơnuih mơnuih, biă mă ñu hơdră pơhlôm brơi nua mơnuih mơnam, pơhlôm tơlơid hơdip mơda hơđong brơi mơnuih mă bruă. Djop bơnah amra pok pơhai ngă tui hăng lăng glăi boh than dưi ngă mơng hơdră bruă brơi mơnuih mă bruă, anih anom yua mơnuih mă bruă, biă mă ñu lăng glăi hơdôm hơdră djru brơi mơnuih ƀon sang, mơnuih mă bruă, anih anom yua mơnuih mă bruă tui tơlơi pơtrun mrô 68 mơng Kơnuk kơna.

Siu Đoan: Pơblang