Truh ră anai, ring bruă man pơdong sang hră đôm lăm kơnuk kơna čem rông ba čơđai sang hră djuai ƀiă dua gưl I hăng II ƀơi să Thuận An hơmâo ngă giong rơnoh 80% hnơ̆ng bruă man pơdong. Pô sang bruă tuh pơ alin man pơdong ƀuăn ngă giong, sem glăi anŏ hiam hlâo kơ kơnôl 30/8.

Lơ̆m anun, ƀơi să Quảng Trực kiah ngă 67% đôč rơnoh bruă. Hnơ̆ng man pơdong dŏ kaih lĕ, yua kơƀah mơnuih mă bruă hăng anih dŏ mă bruă ƀơi guai dêh čar tơnap hloh. Kiăng pơhlom brơi dua boh sang hră anai khom ngă giong hmao čơkă thun hrăm phrâo, tŭ jum čơđai sang hră mut hrăm djop, Khua Jơnum min mơnuih ƀôn sang tơring čar Lâm Đồng, ơi Hồ Văn Mười pơtrun hiăp, brơi djop sang bruă khom pơtum pran jua đut tơhnal, pơđĭ tui mông mă bruă lu hloh, lu gưl mơnuih pơblih nao rai hrơi mlam, mă bruă ƀu pơdơi, kiăo tui hnơ̆ng man pơdong mă bruă rim hrơi, rim mông, kiăng hmao ngă giong hăng jao glăi dua ring bruă anai hlâo kơ kơnôl 30/8.