VOV4.Jarai - Lơ 22/4, Kơ-iăng khua dêh čar ơi Phạm Bình Minh git gai Jơnum lăng mơng ataih đơ đam dêh čar kơ bruă ngă tui Jơlan hơdră dêh čar man pơdong plơi pla phrâo hăng Jơlan hơdră dêh čar pơhrŏ trun hơđong kơjăp sang anŏ rin rơwang thun 2021-2025. Ƀơi mông jơnum, khua pơ ala hơdôm ding jum anom bruă pơtŏng glăi bruă ngă tui Jơlan hơdră dêh čar man pơdong plơi pla phrâo hrơi blan rơgao pơlir hăng dưm dăp glăi bruă ngă hmua klă laih, gum pơđĭ kyar plơi pla, pơđĭ tui tơlơi hơdip mơnuih ƀon sang. Ƀing khua ăt bơkơtuai, pơsit hrŏm hơdôm hơdră bruă pok pơhai jơlan hơdră dêh čar pơtrun rơwang thun 2021-2025. Klah čun ƀơi mông jơnum, Kơ-iăng khua dêh čar ơi Phạm Bình Minh kiăng amăng blan 5 pơ anăp, anom bruă hơmâo jao bruă khŏm ječ ameč ngă hră pơtô ba, pơsit brơi hơdôm akŏ kơčăo bruă kiăng ngă. Hơdôm plơi pla kiăng pơtrun hră pơ-ar ngă rơđah brơi tơlơi pơtô ba mơng Ping gah hăng pơđĭ tui bruă hyu lăng boh than hơmâo ngă.

Siu H’Mai: Pơblang