VOV4.Jarai - Mơguah lơ 16/3, Đĭ pơhiăp pơphun mông tơña hăng lăi glăi, Khua git gai pơ ala mơnuih ƀon sang dêh čar ơi Vương Đình Huệ pơsit tong, mông tơña hăng lăi glăi lĕ bruă akŏ phun kiăng mơnuih ƀon sang hơmâo tơlơi đăo gơnang amăng bruă pơplih phrâo kơ bruă krăo lăng mơng Ƀirô Khua pơ ala mơnuih ƀon sang dêh čar hăng hơdôm tơlơi găn rơgao kjăp kiăng tŏ tui pơphun hơdôm mông tơña pơ anăp dong. Ơi Vương Đình Huệ brơi thâo, kiăng kơ prap lui mông tơña hăng lăi glăi tal anai, ƀơi anăp kơ tơlơi tơnap tap mơng klin Covid-19 samơ̆ hăng pran gơgrong, gir run hloh, djop anom bruă amăng Ƀirô Khua pơ ala mơnuih ƀon sang dêh čar hăng hơdôm anom bruă bơdjơ̆ nao hơmâo gum hrŏm kjăp, lăp djơ̆, gir run prap lui klă hloh hơdôm tơlơi gal kah hăng hơdôm boh tơhnal pơphun jơnum. Khua git gai pơ ala mơnuih ƀon sang dêh čar rơkâo, abih bang ding kơna Kơnuk kơna hơmâo jak iâu nao jơnum kiăng prap lui hrơi mông, bruă mă, pơhlôm nao jơnum djơ̆ hrơi mông, kiăng kơ hmư̆, pơgôp hiăp, hơdôm bruă mơ̆ Khua pơ ala mơnuih ƀon sang, ană plơi pla đing nao. Amăng mông tơña hăng lăi glăi, Kơ-iăng khua dêh čar git gai hăng sa dua čô khua ding jum, gơnong bruă bơdjơ̆ nao amra pơgôp hiăp hrŏm.

Siu Đoan: Pơblang