Ƀơi mông jơnum, mơnuih ƀôn sang tơring čar Gia Lai pơgôp hiăp lu tơlơi bơdjơ̆ nao tuh pơ alin man pơdong jơlan nao rai, pơhlom tơlơi hơdip mơda mơnuih ƀôn sang, ngă hră pơ-ar, hơdră djru kơ mơnuih mă bruă, ƀing khua amăng să, amăng plơi pla, ƀing kơhnâo gru đưm hăng hơdôm grup apăn bruă gru grua adoh suang.

Mơnuih ƀôn sang ăt lăp đing nao tơlơi apăn bruă git gai gong gai să lơ̆m hơmâo thim lu tơlơi dưi pơsir bruă. Pơhiăp ƀơi mông jơnum, Kơ-iăng khua pơ ala mơnuih ƀôn sang dêh čar ơi Nguyễn Hồng Diên hơmâo djă pioh lu tơlơi pơgôp hiăp tŭ yua, sit nik mơ̆ng mơnuih ƀôn sang; laih dong brơi thâo Kơnuk kơna glăk kơsem min pơhrŏ ƀiă hră pơ-ar kiăng ngă ƀơi Gơnong dlông, jing jao glăi kơ tơring čar dong pơsir. Ñu lăi, să, phường jing gưl jê̆ hloh hăng mơnuih ƀôn sang anun kiăng pơsir hĭ tŭ yua hơdôm bruă hơmâo sit nik mơ̆ng mơnuih ƀôn sang./.