VOV4.Jarai - Mơguah lơ 8/9, ƀơi Hà Nội, Ding jum bruă hmua hăng pơđĭ kyar ƀon lan pơphun jơnum “Ngă djơ̆ hrŏm Tơlơi pơtrun mrô 19 mơng Khul khua apăn bruă git gai Ping gah tal 13 kơ bruă ngă hmua, mơnuih ngă hmua, plơi pla rơwang bruă truh thun 2030, lăng nao pơ anăp truh thun 2045; Hơdră pơđĭ kyar ngă hmua hăng plơi pla hơđong kơjăp thun 2021-2030, anăp nao truh pơ thun 2050”. Hrŏm hăng pơphun pơtô hrăm, lăi pơthâo rơđah tơlơi pơtrun, Ding jum bruă hmua ăt glăk git gai čih pơkra, pơdah thâo pơ Kơnuk kơna pơtrun Jơlan hơdră ngă tui Tơlơi pơtrun.

Khua ding jum Lê Minh Hoan pơđĭ kyar ngă hmua plơi pla khŏm mă mơnuih ngă hmua yơh ngă phun

Hơdôm tơlơi pơgôp hiăp ƀơi mông jơnum hơmâo lăi nao hơdôm tơlơi thâo rơgơi, hơbô̆ bruă phrâo, tŭ yua pioh đĭ kyar bruă hmua, mơnuih ngă hmua, plơi pla, anăp nao bruă akŏ pơdong “Ngă hmua hiam kơ anih anom, plơi pla phrâo, mơnuih ngă hmua rơgơi”.

Siu H’Mai: Pơblang