PC Daklak pơplih yua boh thâo phrâo, djơ̆ hăng tơlơi kiăng pơđĭ kyar bơwih ƀong huă mơnuih mơnam
Thứ năm, 10:47, 10/11/2022
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Ngă tui bruă pơplih yua boh thâo phrâo, truh ră anai, kông ti apui lơtrik Dak Lak hơmâo pơgiong plang mơ-it nao rai hră pơ-ar hăng hơdôm gong gai ƀon lan, kĭ hră tui mrô hăng duh pơhrui tui mrô brơi kơ abih bang mơnuih apăn bruă.
Gơnam măi mok pơphun jơnum lăng nao rai mơng ataih, mă bruă mơng ataih hơmâo pơphun ngă amăng djop anih anom. 100% bruă bơwih bơwang gah apui lơtrik lăng nao rai mơng ataih tui gưl 4. 100% mrô hră pơ-ar mă bruă amăng sĭ mơdrô hăng bơwih bơwang brơi tuai hơmâo pơsir hĭ amăng plang internet. Hơdôm bruă mă, pel ĕp tui tơđar gơnam măi mok ăt tui boh thâo phrâo mơn.
PC Dak Lak hơmâo pơgiong dăng hyu hrĕ apui lơtrik 110kW tui hơnong pơkă GIS, anai lĕ gơnam măi măi mă bruă tui WebGIS…Hăng hơdôm măi mok phrâo, kông ti apui lơtrik Dak Lak glăk tŏ tui ngă klă dong amăng yua boh thâo phrâo, pơkra pơjing bruă apui lơtrik thâo rơgơi kiăng djru brơi mơnuih ƀon sang klă ƀiă dong djơ̆ hăng tơlơi rơkâo pơđĭ kyar bơwih ƀong huă mơnuih mơnam.
Viết bình luận