VOV4.Jarai - Čơkă tơlơi jak iâu mơng Jơnum min djŏp djuai ania mơnuih mơnam Việt Nam ƀon prong Hà Nội, Ping gah ƀon prong Hà Nội hơmâo pơphun iâu pơčruh prăk kơ Keh prăk “Yua kơ ia rơsĭ, bul pơtâo ia rơsĭ Việt Nam” thun 2022. Hăng tơlơi khăp, tơlơi gơgrong bruă yua ia rơsĭ, bul pơtâo ia rơsĭ, rim čô khua, mơnuih mă bruă amăng djŏp anom bruă djru aset biă mă lĕ 1 hrơi prăk blan. Mrô prăk blung a pơhrui glăi hơmâo rơbêh 130 klăk prăk. Hlâo kơ anun, lơ 1/3, Khul khua apăn bruă Jơnum min djŏp djuai ania mơnuih mơnam Việt Nam ƀon prong Hà Nội hơmâo jak iâu djru brơi Keh prăk “Yua kơ ia rơsĭ, bul pơtâo ia rơsĭ Việt Nam” thun 2022 mơ-it kơ abih bang anom bruă, anom bơwih ƀong hăng mơnuih ƀon sang ƀon prong. Bruă ngă anai kiăng pơtrut tui pran kơtang, pran jua gum pơgôp mơng abih bang mơnih; pơdah tơlơi kiăng khăp, tơlơi gơgrong bruă mơng rim čô khua, ling tơhan, mơnuih ƀon sang ƀon prong hăng ia rơsĭ, bul pơtâo ia rơsĭ Việt Nam laih anun hơmâo prăk djru man pơkra ring bruă yôm, djru pơđĭ tui tơlơi hơdip mơda mơng tơhan hăng mơnuih ƀon sang ƀơi djŏp kual ia rơsĭ, bul ia rơsĭ Dêh čar ta.

Siu H’Mai: Pơblang