Sang čơ yua Khul mơnuih ngă hmua tơring čar wai lăng, hơmâo akŏ pơdong pioh hơjăn kơ tơlơi bơwih ƀong hrŏm hăng pơtruh nao rai pơkra gơnam. Sang čơ gơnam mơ̆ng hmua Dak Lăk online amra pơjing rai anih mă bruă kơsem min, pơƀuh, pơdă gơnam, ba pơƀuh pơhưč kơ ƀing tuai, bơwih brơi laih anun anăn gơnam hmư̆ hing; ngă hrŏm pơkra, ba sĭ mơdrô....tui glông internet.

Sang čơ gơnam mơ̆ng hmua Dak Lăk online jing anih kiăng hơdôm anom bơwih ƀong mut ĕp lăng anih pơkra, anăn gơnam tañ hloh, sit hloh. Tui hăng yă Lại Thị Loan, Khua khul mơnuih ngă hmua tơring čar Dak Lăk, bruă mut hrŏm Sang čơ mơnuih ngă hmua Dak Lăk online amra pơtrut anom ngă ƀong hrŏm, ƀut ngă hrŏm, grup pơkra gơnam, mơnuih ngă hmua pơđĭ anŏ yôm mơ̆ng gơnam, pơkra gơnam mơ̆ng hmua rơnuk rơnua, tui hơnong pơkă hăng hơduah čih anăn gơnam hmư̆ hing.