VOV4.Jarai - Mơmot lơ 27/7, hmâo pơphun pơdah tivi tô nao rai “Khúc tráng ca hòa bình” hơdor glăi 75 thun Hrơi ling tơhan rơka ruă hăng pơsăn drơi kơ lŏn ia. Nao pơhmư̆ hmâo ƀing Ding kơna Ding jum kơđi čar: Khua mir sir dêh čar ơi Nguyễn Xuân Phúc, Khua dêh čar ơi Phạm Minh Chính, Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Khua grŭp git gai Ping gah ơi Võ Văn Thưởng.

Khua git gai wai lăng pơ ala mơnuih ƀôn sang nao pơhmư̆ mông pơdah tivi tô nao rai “Khúc tráng ca hòa bình” ƀơi Quảng Nam

Hăng 6 anih anom tô nao rai hmâo ngă tui ƀơi Gŏng kut Bắc Sơn – plơi prong jưh jom Hà Nội, Pra yang hơdor glăi ling tơhan pơsăn drơi Bến Dược – ƀôn prong Hồ Chí Minh, Gŏng kut Amĭ Việt Nam Sông kơtang – tơring čar Quảng Nam, Pơsat Vị Xuyên – tơring čar Hà Giang, Pra yang ling tơhan pơsăn drơi plơi prong Hoài Nhơn – tơring čar Bình Định hăng Pơsat ling tơhan pơsăn drơi tơring čar An Giang, jơlan hơdră “Khúc tráng ca hoà bình” pơdah hơdôm gru djă pioh, hmâo lu pran jua ol kơdol hăng tơlơi ruai bă kơ pran jua hơning rơngôt kơ hơdôm ling tơhan rơka ruă, tơhan pơsăn drơi, Amĭ Việt Nam Sông kơtang hăng sang anô̆ mơng ƀing ling tơhan hmâo rơbuh đih yua kơ tơlơi rơnuk rơnua mơng lŏn ia. Hrom hăng hơdôm tơlơi ruai bă kơ tơlơi hning rơngôt kơ hơdôm rơnuk nao hlâo rơbuh trun yua kơ tơlơi rơnuk rơnua, jơlan hơdră dô̆ hmâo hơdôm črăn hơdră dưi prăp lui tŏng ten ƀơi hơdôm anih tô nao rai, pơjing hơdôm anih kiăng lăi nao dơlăm djă pioh./.

Siu H’ Prăk: Pơblang