VOV4.Jarai - Kơ-iăng Khua dêh čar ta ơi Lê Minh Khái phrâo kĭ Tơlơi pơsit pơplih pơkra, pơhrua nao sa dua mơta tơlơi mơng Tơlơi pơsit mrô 157 thun 2007 mơng Khua dêh čar kơ prăk brơi čan pioh kơ čơđai sang hră, ƀing hrăm gưl dlông. Kiăo tui anun, rơnoh prăk čan lu biă ñu 4 klăk prăk sa blan sa čô čơđai. Tui anun, bơhmu hăng rơnoh hơđăp hmâo mă yua lĕ, rơnoh brơi čan lu biă ñu hăng čơđai sang hră ƀing hrăm gưl dlông đĭ dong 1 klăk 500 rơbâo prăk sa blan sa čô čơđai. Tơlơi pơsit ăt pơplih pơkra mơn rơwang 2 Mơta tơlơi 2 kơ mơnuih dưi čan prăk: Čơđai sang hră, ƀing hrăm gưl dlông lĕ mơnuih mơng sang anô̆ gah sa amăng hơdôm mơnuih: 1 – Sang anô̆ ƀun rin tui tơhnal pơkă amăng tơlơi phiăn; 2 – Sang anô̆ ƀun rin ƀơƀiă tui tơhnal pơkă amăng tơlơi phiăn; 3 – Sang anô̆ hmâo rơnoh hơdip hơnong ñu tui tơlơi pơkă amăng tơlơi phiăn. Rơnoh čan lu biă ñu phrâo lăi anun dưi mă yua hăng hơdôm mrô prăk brơi čan phrâo yap mơng lơ 19/5/2022./.

Siu H’ Prăk: Pơblang