Bruă pơtom hiăp hăng mut phung jar kmar brơi kơ khul đah kơmơi ngă khua ƀu kơnong djru kơ ƀing adơi amai đah kơmơi tŭ mă tơlơi pơhing phrâo anăp či mă bruă pơtom hiăp mơ̆ng Việt Nam amăng rơnuk phrâo đôč ôh; tơlơi rô nao rai plah wah amăng hơdôm dêh čar pơprong amăng rŏng lŏn tơnah hăng anŏ bơbeč djơ̆ truh pơ Việt Nam; Hơdră pôr pơthâo tơlơi pơhing ră anai hăng ba yua boh thâo ia rơgơi ba tơlơi pơhing amăng atur mrô; Hơdôm tơlơi phiăn pơkă kơ bruă mă čơkă tuai, pơphun jơnum, bơkơtuai jar kmar đôč ôh, dơ̆ng mơ̆ng bruă črăn anet djơh hăng anun amra dưi pơđĭ tui tơlơi thâo thăi kơ mơnuih apăn bruă jing đah kơmơi.

Ƀơi tơring čar Sóc Trăng, bruă ĕp lăng, pơtong glăi kiăng pơđĭ tui boh tŭ yua mơ̆ng ƀing khua mua, apăn bruă jơnum min mơnuih ƀôn sang să, amăng anun hơmâo khua mua apăn bruă đah kơmơi djuai ƀiă, kiăng ngă mơak pran jua mơ̆ng djop mơnuih hăng anom bruă bơwih brơi kơ mơnuih ƀôn sang mơ̆ng anom bruă Kơnuk kơna lơ̆m mă bruă ƀơi sang bruă kơnuk kơna pơsir hră pơar mơnuih ƀôn sang, djru pơtrut ngă tui pơblih phrâo hơdră ngă hră pơar mơ̆ng kơnuk kơna pơsir brơi mơnuih ƀôn sang hruaih hloh, na nao djơ̆ hơdră. Laih hyu ĕp lăng, pơtong glăi djru grup đah kơmơi apăn bruă kơnuk kơna ƀơi să, lu adơi amai đah kơmơi ngă bruă ƀơi să hơmâo pơtong rơđah laih tơlơi glăm ba, mơ̆ng anun ngă giong bruă jao. Amai Phan Thị Lầu, mơnuih ngă bruă amăng ƀirô hăng jŭ yap jơnum min mơnuih ƀôn sang phường 2, plơi prong Ngã Năm, tơring čar Sóc Trăng brơi thâo:

“Kâo ƀuh abih bang khua mua, mơnuih apăn bruă ră anai ngă tui lu bruă mă kơnang kơ plang čih pơthâo amăng komputer, mơ-it nao rai amăng plang internet tui jơlan sa bah amăng, pơsir hră pơar mơ̆ng ataih. Yua kơ anun, kiăng ƀing apăn bruă ngă khua, mơnuih apăn bruă khom thâo hruaih amăng bruă komputer, thâo hruaih amăng bruă mă kiăng ngă pơgiong bruă jao”.

Pơđĭ tui tơlơi thâo ngă bruă kơ ƀing đah kơmơi ngă khua kiăng đăo kjăp pran jua, mă bruă mut phung jar kmar. Ƀơi tơring čar Phú Yên, lu plơi pla hlăk ngă tui hăng pơđĭ tui klă tơlơi gơgrong ba mơ̆ng ƀing đah kơmơi djop gưl amăng anom bruă ping gah, djru hrŏm akŏ pơdong glông bruă kơđi čar kjăp tong ten. Sa čô mơnuih ping gah, lu thun rơgao, Khua Khul đah kơmơi să Sông Hing, tơring glông Sông Hing, anih hơmâo 90% mrô mơnuih ƀôn sang djuai ƀiă. Amai Ksor H’Vĩ ngă klă tơlơi glăm ba mơ̆ng ñu, hyu pơtô lăi, jak iâu mơnuih ƀôn sang ngă tui djơ̆ tơlơi phiăn kơnuk kơna, jơlan hơdră ping gah pơtrun laih anun pơtrut pơđĭ kyar bơwih ƀong huă sang anŏ, pơblih pơđĭ tui tơlơi hơdip mơda hrưn đĭ pơklaih mơ̆ng ƀun rin.

“Khul đah kơmơi hơmâo pơphun mông jơnum bơ ră ruai nao rai hăng lu khul amăng plơi pla, kơnang mơ̆ng anun kiăng ƀing adơi amai mut phung thâo tong ten anŏ kiăng pơđĭ kyar bơwih ƀong huă mơ̆ng rin čô adơi amai”.

Hăng hnong pơkă či pơđĭ bruă kơ khua mua đah kơmơi, boh nik ñu hơdôm khua mua thun hlăk ai ƀuh gơñu thâo hăng dưi pơđĭ kyar ngă khua, tơring glông Sông Hing hơmâo ngă bruă pơblih nao rai mơnuih ngă khua, jao bruă kơ khua git gai ping gah să ngă tui akŏ bruă tui Hră pơtrun ping gah pơơkă. Yă Trương Thị Thu Hà, Khua git gai ping gah să Ea Ly, tơring glông Sông Hinh brơi thâo:

“Ƀing gơmơi ăt dưi djru ba bruă pơtô, pơhrăm. Biă mă ñu bruă pơblih mơnuih mă bruă pơ anai ăt sa tơlơi gêh găl pioh kơ ƀing gơmơi dưi jĕ giăm mă bruă amăng plơi pla, thâo hluh bruă kiăng, hrăm tui mơ̆ng plơi pla laih anun ngă giong bruă jao kơ ta klă hloh”.

Ơi Nguyễn Bá Kim, Kơ-iăng Khua anom bruă pơphun bruă ping gah tơring čar Phú Yên brơi thâo:

“Djop gưl anom bruă ping gah, gong gai kơnuk kơna hăng djop sang bruă đing nao kơ bruă pơkă hnong mơnuih apăn bruă. Tui hluai akŏ bruă jao ăt hơmâo laih mơ̆n čih anăn pơđĭ bruă khua apăn bruă lĕ đah kơmơi, biă mă ñu đah kơmơi mơnuih djuai ƀiă nao hrăm, pơtô glăk bruă mă. Pơđĭ tui tơlơi thâo thăi, bruă mă git gai amăng kơnuk kơna”.

Pơkă bruă tañ pơtô hrăm djơ̆ khin jao bruă tui hăng tơlơi kơhnăk djơ̆ pran jua hrưn đĭ ƀing adơi amai đah kơmơi mơnuih djuai ƀiă, tơlơi thâo kơ mơnuih mă bruă amăng kual čư̆ siăng ăt ba glăi boh tŭ yua mơ̆n, amăng kual mơnuih djuai ƀiă Phú Yên hơmâo ngă djơ̆ bruă hăng pơtrut anăp ngă bruă pơđĭ kyar bơwih ƀong huă. Anai ăt jing tơhnal pơkă pioh kơ ƀing apăn bruă đah kơmơi hrơi djuai ania ƀiă pơđĭ tui tơlơi thâo thăo amăng bruă pơtom hiăp, mut phung jar kmar.

Hơdôm ƀing kơhnăk pơkra gŏ lŏn djuai ania Mnông să Yang Tao, tơring glông Lak ră ruai kơ bruă gơñu ngă hăng tuai nao ĕp lăng