Anai lĕ tal pơgiăng nao tal 11 hăng anai lĕ tal blung a pơphun hăng rơdêh por pơgiăng gơnam ling tơhan CASA-C295 mơng khul ling tơhan Lữ đoàn mrô 918. Đĭ pơhiăp amăng mông lơphet, Trung tướng Hồ Văn Thái, Khua khul tơhan kual 9, lăi pơtong ƀing apăn bruă, ling tơhan hrŏm hăng hơdôm anom bruă bơdjơ̆ nao glăk gir run ngă tui “Hơdră bruă 500 hrơi mlăm” kơ bruă hyu ĕp, klơi rŭ hăng ĕp brơi anăn krăn pô tơlang tơleh tơhan, pơdah tơlơi glăm ba prong hloh ƀơi anăp tơlơi tuh drah pơčah asar mơng ling tơhan đưm hlâo.

Hơdôm meh tơlang hơmâo pơgiăng nao pơ Hà Nội kiăng kơ jao brơi hơdôm anom bruă bơdjơ̆ nao pơčrang lăng ADN. Bruă mă anai pơdah pran hơdip “Mơñum ia hơdor kơ pô klơi”, tơlơi hơdor tơngia rơnuk anai hăng ƀing djai pơsăn drơi yua kơ lŏn ia ta.