VOV4.Jarai - Tô̆ tui jơlan hơdră jơnum tal 8, mơguah 17/2, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ rơkâo pơhrua nao rơwang bruă Tơlơi phiăn pel ĕp, pơjrao tơlơi ruă (pơplih pơkra) mut amăng jơlan hơdră pơdŏng tơlơi phiăn, phiăn pơtrun thun 2022. Amăng mông jơnum tal 5, pơphun amăng blan 11 thun hlâo, Jơnum min apăn bruă Khua pơ ala mơnuih ƀôn sang dêh čar ta hmâo gum pơhiăp kơ bruă rơkâo mơng Kơnuk kơna pơhrua nao rơwang bruă Tơlơi phiăn pel ĕp, pơjrao tơlơi ruă (pơplih pơkra) amăng jơlan hơdră pơdŏng tơlơi phiăn, phiăn pơtrun thun 2022. Khă hnun hai, yua kơ akă pơhlôm tơlơi rơkâo, Jơnum min apăn bruă Khua pơ ala mơnuih ƀôn sang dêh čar ta rơkâo pel ĕp glăi, pơsit anô̆ bơdjơ̆ nao, tơhnal dưi ngă, biă ñu đing nao truh tơlơi pơkă pơplih phrâo, pơđĭ tui anô̆ kơjăp bruă bơwih brơi, pơgang tơlơi suaih pral mơnuih ƀôn sang; đing nao hăng bruă pel ĕp, pơjrao tơlơi ruă, tuh pơplai kơ mơnuih mă bruă ia jrao pioh kơ kual neh wa djuai ania ƀiă hăng kual čư̆ siăng, kual guai lŏn ia, bul ia rơsĭ, kual hmâo tơlơi bơwih ƀong - mơnuih mơnam tơnap tap...

Siu H’ Prăk: Pơblang