VOV4.Jarai - Mơguah tom brơi, lơ 20/9, ƀơi Hà Nội, Khul đah kơmơi Việt Nam pơphun Jơnum pok pơhai kơčăo bruă mrô 8 kơ “Ngă bơkơnar đah kơmơi, đah rơkơi hăng pơsir hĭ hơdôm bruă kiăng ječ hăng ƀing đah kơmơi, čơđai muai” rơwang 1, mơng thun 2021-2025. Kơčăo bruă hơmâo amăng Jơlan hơdră dêh čar pơđĭ kyar bơwih ƀong huă mơnuih mơnam kual mơnuih ƀon sang djuai ƀiă hăng kual čư̆ siăng thun 2021-2030. Kơčăo bruă “Ngă bơkơnar đah kơmơi đah rơkơi hăng pơsir hĭ hơdôm bruă kiăng ječ hăng ƀing đah kơmơi hrơi, čơđai muai” gơñăm nao 4 mơta bruă phun kah hăng: Pôr pơthâo, iâu pơthưr pơplih “tơlơi pơmin, hơdră ngă bruă” lŏm lui abih tơlơi tơlơi pơmin ƀu djơ̆, ƀu gal amăng sang anŏ hăng amăng plơi pla, hơdôm gru grua ƀu hiam wơ̆t hăng hơdôm bruă hơmâo amăng mơnuih mơnam kiăng pơsir brơi ječ mơtăm hăng ƀing đah kơmơi wơ̆t hăng čơđai anet; Akŏ pơdong hăng pok prong bruă mă pơđĭ tui tơlơi dưi bơwih ƀong kơ ƀing đah kơmơi hrơi, pơtrut ngă bơkơnar đah kơmơi đah rơkơi; Pơhlôm brơi boh pơhiăp mơng ƀing đah kơmơi hăng čơđai muai amăng bruă bơwih ƀong, mơnuih mơnam hơmâo pô pơhmư̆, pơđĭ tui tơlơi rơgơi kơ ƀing đah kơmơi djuai ƀiă ngă khua.

Mông jơnum.

Laih dong, pơđĭ tui tơlơi rơgơi pơmut hrŏm pơtô pơblang bruă bơkơnar đah kơmơi đah rơkơi amăng anom bruă kơđi čar, kơ tha plơi, mơnuih arăng kơnang amăng plơi pla. Amăng thun 2021-2025, kơčăo bruă mrô 8 hơmâo 9.000 Grup pôr pơhing amăng plơi pla; 3.000 Sŏp hră pơkom prăk čan; 1.000 anih hơmâo plơi pla kơnang; 1.800 grup mơnuih ngă khua pơplih tơlơi pơmin hơmâo ngă kơjăp tui, ƀudah akŏ pơdong phrâo amăng plơi pla...

Siu H’Mai: Pơplang