Jơnum anai him lăng amra pơphun 2 tal. Tal 1: tlam kơnôl 1 hăng 2/10. Tal 2: tlam kơnôl 10/10. Amăng jơnum anai, Jơnum min apăn bruă Khua pơ ala mơnuih ƀon sang dêh čar pơgôp hiăp kơ hơdôm črăn tơlơi phiăn lŏn mơnai (Čih pơkra glăi); tơlơi phiăn sang dŏ (čih pơkra glăi); tơlơi phiăn sĭ mơdrô lŏn, sang dŏ (čih pơkra glăi); tơlơi phiăn kơ hră pơ-ar djơ̆ tơlơi phiăn; tơlơi phiăn sang bruă prăk Kơnuk kơna (pơmut hrŏm).

Kơ bruă krăo lăng, jơnum min apăn bruă Khua pơ ala mơnuih ƀon sang dêh čar pơgôp hiăp kơ Hră lăi pơthâo mơng Kơnuk kơna kơ pok pohai ngă tui tơlơi pơtrun mrô 206/2025 mơng Ƀirô Khua pơ ala mơnuih ƀon sang dêh čar kơ tơhnal pơkă phara amăng pơsir hĭ tơnap tap, gun găn yua tơlơi pơkă amăng tơlơi phiăn; hră lăi pơthâo mơng Kơnuk kơna kơ boh than ngă tui akŏ bruă pơđĭ kyar bơwih ƀong huă-mơnuih mơnam thun 2026, prap lui akŏ bruă pơđĭ kyar bơwih ƀong huă-mơnuih mơnam thun 2027; hăng pơgôp hiăp kơ črăn hră lăi pơthâo pơtum pơƀut tơlơi pơgôp hiăp, tơlơi rơkâo mơng mơnuih ƀôn sang ruah khua hăng abih bang mơnuih ƀon sang mơ-it nao Jơnum lok 2, Khua pơ ala mơnuih ƀon sang dêh čar tal XVI.