VOV4.Jarai - Ƀrô Jơnum mơnuih apăn bruă đah kơmơi đơ đam dêh čar tal 13, hơdor glăi 112 thun hrơi jar kmar pioh pơpŭ đah kơmơi lơ 8/3, amăng lơ 3/3 hơmâo pơphun Jơlan hơdră pơpŭ đah kơmơi ngă ling tơhan ba gru. Djă pioh hăng tŏ tui na nao gru grua đah kơmơi Việt Nam sông kơtang, rơwang thun 2012-2022, đah kơmơi ngă ling tơhan ƀu pơdơi gir run hrăm tui, kjăp dong amăng bruă mă.

Đại tướng Lương Cường jao hră pơpŭ kơ đah kơmơi ngă ling tơhan ba gru

Đĭ pơhiăp amăng mông jơnum, Đại tướng Lương Cường, Ding kơna Ding jum kơđi čar, khua anom bruă kơđi čar khul ling tơhan dêh čar Việt Nam pơpŭ bơni 378 čô đah kơmơi amăng khul ling tơhan ba gru hăng hăng mơ-it tơlơi tơña bla kơ rơbêh 93 rơbâo čô đah kơmơi glăk dŏ mă bruă, hrăm hră amăng djop khul ling tơhan. Đah kơmơi amăng Khul ling tơhan hơmâo ƀơi djop anih anom amăng đơ đam dêh čar ta, amăng anun mă bruă amăng hơdôm anom bruă phun djru pơhlôm rơnuk rơnua mơng sang gum hơbit djop dêh čar, pơtô hrăm ling tơhan hăng lĕ ƀing mơnuih gơgrong hlâo lơ̆m hơmâo tơlơi blah ngă, pơkra pơjing phao kơtuang …jai mă bruă ƀơi anih tơnap tap, glêh glar jai gir run, tuh rơyuh pran jua mơng ƀing adơi amai amăng khul ling tơhan.

Siu Đoan: Pơblang