Ngă tui tơlơi git gai mơ̆ng kơnuk kơna kơ bruă djru sang anŏ ƀun rin, giăm ƀun rin pơsir hĭ sang tơ̆i, sang phŏ, ƀing tơhan pơgang guai dêh čar tơring čar Kon Tum hlăk gum pran jua hrŏm gong gai kơnuk kơna laih anun khul grup djop anom bruă djru man pơdong sang hăng rơnoh yom ƀiă, kiăng man pơdong sang kơjăp hiam klă hơmâo anih dŏ hơđong kơ mơnuih ƀôn sang ƀơi guai dêh čar. Ƀơi 13 boh să giăm guai dêh čar gah 4 boh tơring glông kah hăng Đak Glei, Ngọc Hồi, Sa Thầy hăng Ia Hdrai tơring čar Kon Tum hơmâo 145 boh sang tơ̆i, sang răm mơ̆ng mơnuih ƀôn sang kiăng djru ba man pơdong, ming pơkra glăi.

Đại tá Lê Minh Chính, ding kơna apăn bruă ping gah kơđi čar sang bruă tơhan pơgang guai dêh čar ƀơi tơring čar Kon Tum, brơi thâo, hrŏm hăng rơnoh prăk kơnuk kơna djru 60 klăk prăk kơ sa boh sang tơdah man pơdong phrâo hăng 30 klăk prăk hrêp pơkra glăi kơ sa boh sang sô, ƀing tơhan pơgang guai dêh čar tơring čar Kon Tum  hlăk djru hrŏm hur har biă mă jak iâu djop sang bruă pơčruh prăk hăng djru hrơi bruă kiăng man pơdong sang hiam klă, kơjăp hơđong brơi kơ mơnuih ƀôn sang ƀun rin dŏ amăng kual guai dêh čar.