VOV4.Jarai - Kơ-iăng khua dêh čar ơi Vũ Đức Đam phrâo kĭ tơlơi pơtrun kơ Jơlan hơdră “Pơtô hrăm tui pran ngă hơkrŭ, kơnuih, tơlơi hơdip brơi ƀing hlăk ai čơđai anrt amăng plang mơnuih mơnam, rơwang thun 2022-2030”. Hơnong pơkă hrŏm mơng Jơlan hơdră anai kiăng ba glăi tŭ yua amăng bruă pơtô hrăm tui pran ngă hơkrŭ, kơnuih, tơlơi hơdip brơi ƀing hlăk ai čơđai anet amăng plang mơnuih mơnam, mơng anun pơgôp pơjing rơnuk thâo pơmĭn, khin hơtai, khăp kơ lŏn ia, thâo rơgơi, hơdip hiam djơ̆ hăng tơlơi phiăn, hơmâo pran gơgrong hrưn đĭ hăng thâo djop mơta kiăng kơ mut hrŏm jar kmar amăng rơnuk pơplih mă yua boh thâo phrâo. Jơlan hơdră gir run truh thun 2025 rơbêh 90% mrô mơnuih apăn bruă, khul grup, ding kơna hăng 80% mrô hlăk ai čơđai anet hơmâo arăng pơtô pơblang hăng gir ngă tui tơlơi pơkă amăng plang mơnuih mơnam; truh thun 2030, 100% hăng 90% dưi ngă tui hơdôm hơnong pơkă tui anun dong, 100% mrô să, phường hơmâo plang črâo ba tơlơi hơdip kơ ƀing hlăk ai čơđai anet.

Siu Đoan: Pơblang