-Pơhlom nua ia jrao lĕ jơlan hơdră djru prăk pơhlom nua mơ̆ng Ping gah hăng Kơnuk kơna djru, pơgang ba tơlơi tŭ yua kơ mơnuih mă bruă hăng Mơnuih ƀôn sang, kơnuk kơna djru pơgang brơi, jao sang bruă Pơhlom nua bruă mơnuih mơnam pô ngă tui; amăng anun čơđai sang hră djop gưl, čơđai gưl prong hlăk dŏ hrăm ƀơi djop sang hră pơtô hrăm mơnuih ƀôn sang dêh čar, wơ̆t hăng ƀing čơđai gưl prong jing gah bruă mơnuih ƀôn sang dŏ hrăm amăng sang  hră yua ling tơhan, tơhan kông an ngă pô, kơnong hơdôm ƀing hơmâo anăn ngă hrŏm hăng khul pơkŏn ăt khom blơi hră pơhlom nua.

-Čơđai sang hră djop gưl, čơđai gưl prong hơmâo hră pơhlom nua ia jrao dưi tŭ mă:

-Dưi tŭ mă tơlơi djru mơ̆ng kơnuk kơna 55% rơnoh prăk khom pơčruh rim blan (Ngăn drap mơ̆ng Gơnong dlông50%, tơring čar 5%). Rơnoh prăk blơi hră pơhlom nua ia jrao kơ čơđai sang hră, cơđai gưl prong dưm dưm hăng 4,5% rơnoh prăk blan pơkă atur blung a; čơđai sang hră, čơđai gưl prong kơnong pơčruh mă 45% đôč rơnoh blơi hră pơhlom nua ia jrao.

-Ruah hơdră pơčruh tui hluai 3 blan sa wơ̆t, 6 blan ƀudah blơi sa thun hlao jing 12 blan.

-Blơi hră pơhlom nua ia jrao pioh kơ čơđai sang hră, čơđai gưl prong amra tŭ mă hơdôm tơlơi tŭ yua tui anai:

-Dưi ƀơk brơi hră pơhlom nua ia jrao pơmut amăng điện tử..

-Dưi ruah mă laih anun pơblih anih či nao pơkă lăng hăng pơjrao duăm ruă tal blung hăng amăng 15 hrơi blung a rim sa rơwư̆ klâo blan.

-Dưi tŭ mă tơlơi djru wai lăng ba tơlơi suaih pral blung a tui tơlơi phiăn pơkă.

-Dưi tŭ mă tơlơi djru tla prăk pơkă lăng hăng pơjrao duăm ruă djop amăng tơlơi pơkă tŭ mă hăng rơnoh djru ba.

-Dưi hơmâo anom bruă pơhlom nua ia jrao lăi pơthâo, djru ba, hơdră pơsir kơ bruă pơhlom nua ia jrao.

-Čơđai sang hră, čơđai gưl prong čih anăn rơkâo blơi hră pơhlom nua ia jrao ƀơi sang hră, anih pơtô hrăm mơ̆ hlăk dŏ hrăm hăng ngă tui tơlơi pơčrâo ba.

-Yua tơlơi suaih pral kơ ană bă, yua kơ lơ̆n ia kơñ pơgi, Ngă hrŏm bĕ blơi hră pơhlom nua ia jrao kơ čơđai sang hră, čơđai gưl prong.

-Tơdah kiăng thâo tơlơi pơhing hơgĕt, rơkâo nao bưp sang bruă pơhlom nua bruă mơnuih mơnam (BHXH) tơring čar Dak Lak ƀudah anom bruă pơhlom nua bruă mơnuih mơnam pơ kual plơi pla lăi pơthâo brơi, pơčrâo ba hăng pơsir hơgĕt tơlơi tơña.

Mrô telephôn lăi pơthâo, pơčrâo djru ba mơ̆ng Sang bruă pơhlom nua bruă mơnuih mơnam tơring čar Dak Lak anai hŏ: 0262 2229799.

Mrô telephôn mơ̆ng Sang Pơhlom nua bruă mơnuih mơnam tơring čar hăng Anom pơhlom nua bruă mơnuih mơnam ƀơi djop să

Mrô telephôn pô lăi pơthâo, djru pơčrâo ba mơ̆ng Sang pơhlom nua bruă mơnuih mơnam tơring čar Dak Lak: 0262 2229799