Tui anun, gơnong bruă pơtô pơjuăt tơring čar Dak lak tŏ tui bruă pơtô hrăm brơi ƀing čơđai, sit biă ñu ƀing čơđai kual ataih, asuek, kual tơnap tap. Hrŏm hăng anun, tơring čar hơmâo pel ĕp glăi gơnam măi mok pioh mă yua, prap lui tơdah kiăng, đing nao bruă pơhlôm hlâo hơjan kơthel, ia ling dăo, prap lui djop mơta kiăng pơhlôm rơnuk rơnua, hơđong.

Tal pơplông abih anih 12 thun anai, tơring čar Dak lak hơmâo 33 anih pơphun, giăm 21.000 čô čơđai. Gơnong bruă pơtô pơjuăt hơmâo ruah rơbêh 2.800 čô mơnuih mă bruă ƀơi hơdôm anih pơplông. Ơi Phạm Đăng Khoa, Khua gơnong bruă pơtô pơjuăt tơring čar Dak lak brơi thâo, kiăng tal pơplông pơhlôm rơnuk rơnua, hơđong, gơnong bruă đing nao biă mă bruă pơtop hrăm brơi ƀing apăn bruă amăng pel ĕp hơdôm anih pơplông.