VOV4.Jarai - Ngă tui hơdră bruă lui mă jia tui Tơlơi pơtrun pơsit mrô 43 mơng Khua pơ ala mơnuih ƀôn sang dêh čar kơ djru hơkrŭ glăi hăng pơđĭ kyar bơwih ƀong – mơnuih mơnam, mơng lơ 1/2/2022, Sang bruă apui lơtrik Daknông hmâo pok pơhai hrŏ trun 2% mrô mă jia VAT hăng mơnuih mă yua apui ƀơi tơring čar.

Mơnuih mă bruă PC Daknông pơtô arăng ngă hră yua apui tui jơlan telephone

Rơnoh hrŏ trun mă jia mơng 10% truh dô̆ 8%. Tui hăng Sang bruă apui lơtrik Daknông, hơnong ñu rim blan anom bruă mă yua rơbêh kơ 165.000 pok hră čih nua prăk hăng điện tử kơ mơnuih blơi yua apui, abih bang prăk hrŏ trun mă jia lĕ rơbêh kơ 20 klai prăk. Rơnoh mă jia phrâo amra dưi hmâo gơnong bruă djă pioh mă yua truh kơ abih thun 2022, hăng čang rơmang djru mơnuih blơi yua plai ƀiă prăk blơi apui yua, djru ngă tui ba glăi bôh tơhnal jơlan hơdră hơkrŭ đĭ hăng pơđĭ kyar bơwih ƀong – mơnuih mơnam./.

Siu H’ Prăk: Pơblang