6 blan akŏ thun 2024, Khul ia jrao kyâo bơrơkal mriah hơdôm boh tơring čar hơmâo jak iâu pơgôp rơbêh 360 klai prăk, ƀơk gơnam brơi rơbêh 1 klăk čô mơnuih ƀun rin, giăm ƀun rin, sang anŏ tơnap tap, mơnuih djơ̆ jrao hret, sang anŏ tui hơdră djru, sang anŏ bơdjơ̆ nao mơng hơjan kơthel, klin kman. Bruă pơhlôm hlâo hơjan kơthel hơmâo djru brơi rơbêh 25 rơbâo čô mơnuih hăng abih tih rơbêh 7,5 klai prăk.

Amăng mông jơnum, yă Bùi Thị Hòa, Khua khul ia jrao kyâo bơrơkal mriah Việt Nam lăng yôm hơdôm tơlơi gir run, hơdôm bruă mă mơng anih anom amăng kual pơplông mrô 6. Laih dong rơkâo khul ia jrao kyâo bơrơkal mriah hơdôm boh tơring čar tŏ tui pơplih bruă mă, ngă tui boh tŭ yua amăng hơdôm jơlan hơdră, hơdôm tal pơtrut pơsur djru khăp pap, djru brơi mơnuih tơnap tap hrưn đĭ amăng tơlơi hơdip mơda brơi klă hăng hơđong.