VOV4.Jarai -  Tlam lơ 14/1, ƀơi Hà Nội, Khul mut phung mơnuih mă bruă kơnuk kơna Việt Nam hơmâo pơphun Jơnum khua git gai Ping gah tal 9 pok prong đah mơng klah čun glăi bruă mă mơng khul thun 2021, pok pơhai bruă mă amăng thun 2022. Tui hăng ơi Ngọ Duy Hiểu, Kơ-iăng khua Khul pơlir hơbit mơnuih mă bruă Việt Nam, Khua khul mut phung mơnuih mă bruă kơnuk kơna Việt Nam: thun 2022, Khul mut phung Việt Nam pơplih phrâo bruă mă kiăng klă hloh amăng bruă pơ ala brơi, lăng ba, pơgang ba tơlơi dưi, tơlơi gêh gal klă hiam kơ ƀing khua, mơnuih mut amăng khul. Biă ñu, amăng hrơi Tê̆t djuai ania ta Nhâm Dần 2022, Khul mut phung mơnuih mă bruă kơnuk kơna Việt Nam hơmâo pơphun hyu tơña bla, brơi rơbêh 3 rơbâo anung gơnam, “kơdung gơnam pơtruh tơlơi khăp ƀu-eng”, mơnuih amăng khul tơnap tap, ruă nuă, ƀing khua, mơnuih mă bruă ƀơi hơdôm boh tơring čar, ƀon prong.

Siu H’Mai: Pơblang