Rơbêh 300 čô hlăk ai djru amăng hơdôm hrơi pơplông ƀơi Gia Lai
Thứ tư, 10:08, 26/06/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Amăng tal pơplông abih anih 12 thun 2024 ƀơi tơring čar Gia Lai, amra hơmâo rơbêh 300 čô hlăk ai nao djru brơi amăng tal pơplông anai.
Him lăng bruă gum djru brơi ƀing čơđai nao pơplông mơng Khul hlăk ai rơnuk Hồ Chí Minh tơring čar amra pơphun mơng mơguah lơ 26/6, truh abih lơ 29/6. Tui tơlơi pơkă, 310 čô hlăk ai amra pơpha jing 41 grup, amra jao bruă ƀơi 41 anih pơplông, ƀơi 17 boh tơring glông, plơi prong amăng đơ đam tơring čar.
Hơdôm grup gum djru anai amra čơkă ƀing čơđai ƀơi hơdôm anih pơplih pơplông, črâo brơi jơlan; djru brơi ƀing čơđai đuăi nao rai mơng anih dŏ nao pơ anih pơplông; ĕp brơi anih dŏ soh sel, nua rơgêh; ĕp brơi anih ƀong huă, pơhlôm gơnam ƀong huă hơdjă. Hrŏm hăng anun, ƀơi hơdôm ară jơlan phun đuăi nao pơ anih pơplông, ƀing hlăk ai ăt gum hrŏm hăng anom bruă bơdjơ̆ nao pơhlôm brơi rơdêh gêh gal đuăi nao rai.
Viết bình luận