VOV4.Jarai - Tơdơi kơ hrơi blung a pơphun bruă pơtô pơblang ngă tui Blan pơsur pok pơhai ngă hră pơhlôm nua mơnuih mơnam amăng abih bang mơnuih, amăng đơ đam dêh čar hơmâo laih 22.000 čô mơnuih nao ngă hră pơhlôm nua mơnuih mơnam tui pran hor hăng rơbêh 53.000 čô mơnuih nao ngă hră pơhlôm nua ia jrao amăng sang anŏ. Hăng anăn “Hră pơhlôm nua mơnuih mơnam - gơnam gơnang nao mơng rĭm čô mơnuih hăng sang anŏ”, hrơi mă bruă thun anai đing nao pơtô pơblang dơlăm dong kơ tơlơi yôm phăn mơng hơdră djru ngă hră pơhlôm nua mơnuih mơnam tui pran hor, hră pơhlôm nua ia jrao amăng sang anŏ, tơlơi dưi lơ̆m mut hrŏm; pơsit tong djru brơiprăk kak mơng sang bruă prăk kơnuk kơna, ngăn drăp ƀơi ƀon lan hăng ƀing mơnuih mut hrŏm hră pơhlôm nua mơnuih mơnam tui pran hor, hră pơhlôm nua ia jrao amăng sang anŏ. Mơng hơdôm tal pơphun, mơnuih ƀon sang amra dưi tŭ mă hơdôm tơlơi dưi mơng hơdră djru, hơmâo dong plang pơhing phrâo, mơng anun amra nao ngă hră pơhlôm nua mơnuih mơnam tui pran hor, hră pơhlôm nua ia jrao amăng sang anŏ, pơgôp ngă pơgiong hơnong pơkă tui tơlơi pơtrun mrô 28 amăng pơplih hơdră bruă amăng hră pơhlôm nua mơnuih mơnam.

Siu Đoan: Pơblang