VOV4.Jarai - Ding jum bruă mă, tơhan rơka hăng mơnuih mơnam phrâo rơkâo đĭ Khua dêh čar sem lăng kơ hră pơtrun djru brơi giăm 10.000 tơ̆n braih mơng anih djă pioh gơnam ƀong huă dêh čar kiăng kơ djru brơi mơnuih ƀon sang glăk kơƀah braih ƀong amăng bơyan bơnga Nhâm Dần anai hăng anai lĕ glăk bơyan tơjŭ pla amăng akô̆ thun 2022. 7 boh tơring rơkâo tŭ mă braih djru hơmâo: Tây Ninh, Cao Bằng, Phú Yên, Ninh Thuận, Nghệ An, Gialai hăng Quảng Bình. Amăng giăm 10.000 tơ̆n braih djru, pioh djru brơi amăng bơyan ƀong tết lĕ giăm 7.000 tơ̆n. Mrô dŏ glăi lĕ djru amăng bơyan mơnuih ƀon sang glăk tơjŭ pla akŏ thun, yua anun amra kơƀah asơi huă añăm ƀong. Ding jum bruă mă, tơhan rơka hăng mơnuih mơnam hơmâo pơƀut glăi rơkâo hơdôm ƀon lan hơmâo hră lăi pơthâo Khua dêh čar kiăng kơ djru brơi rơbêh 158.000 tơ̆ braih brơi kơ 2 klăk 700 rơbâo čô mơnuih glăk dŏ kơƀah amăng bơyan ƀong tết hăng yua bơbeč mơng klin Covid-19 dong.

Siu Đoan: Pơblang