Hrŏm hăng amăng dêh čar ta, tal pơplông abih anih 12 thun 2024, pơphun mơ̆ng lơ 26-29/6 tơring  čar Dak Lak hơmâo giăm 21.000 čô mơnuih čih anăn pơplông ƀơi 33 bit anih pơphun hăng 870 boh anih mut pơplông ƀơi djop tơring glông, plơi prong. Rơbêh 2000 čô khua mua, nai pơtô ĕp pơplông, krăo lăng bơwih brơi mông pơplông. Truh ră anai, Dak Lak prăp lui laih djop mơta pioh pơphun pơplông djơ̆ hăng akŏ bruă jao laih anun tơlơi pơkă mơ̆ng Ding jum Pơtô hăng Pơjuăt, anăp nao kơ sa tal pơplông rơnuk rơnua hơđong, tŭ yua lu.

Bruă pơhlôm hlâo duăm ruă, klin lheng, rơnăk anih dŏ jum dar, pơhlôm hơdjă mơnong ƀong huă, djru bơyan pơplông, djru ba ƀing čơđai sang hră, sang anŏ nao hrŏm, ăt dưi đing nao mơ̆n, git gai brơi ĕp lăng tong ten hăng pok pơhai tui hơdră pơphô tañ ngă hrŏm djơ̆. Tơlơi đing nao hloh pơgang rơnuk rơnua, hơđong kơ mông pơplông yơh yôm pơphăn. Tui hăng Đại tá ơi Nguyễn Hữu Lương, Khua anom tơhan pơgang rơnuk rơnua amăng lăm (PA03), kông an tơring čar Dak Lak lăi, tơhan kông an mơ̆ng sui laih akŏ pơjing bruă mă, ngă hrŏm tong ten djop sang bruă prăp lui hơdră pơhlôm pơgang rơnuk rơnua hơđong kơ tal pơplông.