Ƀơi mông ngă bruă, Khul pơphun ngă jơlan hơdră hơmâo brơi 300 anung gơnam Tê̆t kơ mơnuih mut phung, mơnuih mă bruă gah rơngiao, rim anung nua ñu 800.000 prăk, hơmâo prăk mơta hăng gơnam ƀong tê̆t; djru man pơdong 5 boh sang “Sang pơđao tơlơi khăp Khul mut phung”, djru ba mơnuih mă bruă čơkă Tê̆t mơak mơai hloh.

Hlâo kơ anun, Jơlan hơdră “Tê̆t tum jơngum - Bơyan bơnga bơni kơ Ping gah” thun 2026 ăt hơmâo Khul pơlir hơbit mơnuih mă bruă tơring čar pơphun ngă ƀơi sang Gru grua Mă bruă tơring čar - anom bruă gah Ngŏ (phương Tuy Hòa), brơi 300 anung gơnam Tê̆t hăng brơi prăk man 5 boh sang “Pơđao pran khăp pap Khul mut phung” djru ba ding kơna amăng Khul, mơnuih mă bruă tơnap tap ƀơi kual gah Ngŏ tơring čar./.