VOV4.Jarai - Mah hơmâo lu tơlơi ngă tơnap tap amăng pơđuăi apui lơtrik mơng hơdôm anih pơkra apui lơtrik kah hăng bơbeč nao kơtang yua nua ia jâo đĭ bơdjơ̆ nao bruă pơkra apui lơtrik, samơ̆ Grup apui lơtrik Việt Nam (EVN) ăt ƀuăn amra pơhlôm brơi djop apui lơtrik kơ bruă bơwih ƀong huă hăng tơlơi hơdip mơda, laih dong ngă tui khut khăt hơdôm tơlơi git gai mơng Kơnuk kơna amăng bruă ngă bơkơnar, hrŏ ƀiă hơdôm prăk mă yua kiăng kơ huăi đĭ nua sĭ apui lơtrik amăng thun 2022 anai, kiăng kơ pơhlôm bơkơnar amăng tơlơi bơwih ƀong huă. Tal đĭ nua sĭ apui lơtrik giăm anai hloh hơmâo Khua dêh čar tŭ yap hăng Ding jum sĭ mơdrô ba tơbiă tơlơi pơtruin pơplih nua sĭ mơdrô apui lơtrik mơng lơ 20/3/2019, hăng rơnoh đĭ 8,36% pơhmu hăng hlâo anun. Sit biă ñu, nua sĭ apui lơtrik hơmâo pơplih, mă yua mơng thun 2019 truh ră anai lĕ 1.864,44 prăk/kWh (ƀu yap wŏt jia).

Siu Đoan: Pơblang