VOV4.Jarai - Lơ 19/1, Tơhan blah hơdeč 198 (Binh chủng Đặc công) pơphun ƀơk brơi rơbêh 2 tơ̆n braih brơi kơ hơdôm rơtuh boh sang anŏ ƀun rin, giăm ƀun rin, sang anŏ kơnuk kơna čem rông ba amăng tơring čar Daklak. Ƀrô tal anai, tơhan blah hơdeč 198 pơphun ƀơk brơi rơbêh 2 tơ̆n braih djru brơi 137 boh sang anŏ ƀun rin, giăm ƀun rin, sang anŏ kơnuk kơna čem rông ba amăng plơi pla tơnap tap, kual mơnuih djuai ania ƀiă amăng tơring glông M’Drak, Krông Pač hăng plơi prong Buôn Ma Thuột, tơring čar Daklak.

Tơhan blah hơdeč 198 ƀơk braih brơi hơdôm sang anŏ ƀun rin ƀơi să Ea Yiêng

Anai lĕ mrô braih mơng mơnuih apăn bruă, tơhan blah hơdeč 198 pơkrem mơng “Kơthung braih djru khăp pap” amăng thun 2021. Laih dong, anom bruă hơmâo jao anung gơnam Tết brơi ƀing tha plơi, khua plơi amăng plơi pla ling tơhan pơdong.

Siu Đoan: Pơblang