VOV4.Jarai - Lơ 1/7 pơ ala kơ Ding jum kơđi car ơi Võ Văn Thưởng Ding kơna Ding jum kơđi čar, Grŭp git gai Ping gah dêh čar mă yua Tơlơi črâo ba mrô 14 mơng Ding jum kơđi čar kơ kơtưn tơlơi git gai mơng Ping gah pioh kơ Khul mơnuih mă bruă tơlơi phiăn Việt Nam amăng rơnuk phrâo. Kiăng kơtưn dong tơlơi git gai mơng Ping gah, ngă tui hloh dong bruă mă mơng Khul mơnuih mă bruă tơlơi phiăn Việt Nam amăng rơnuk phrâo, Ding jum kơđi čar rơkâo; Gưl Ping gah, khul Ping gah hơdôm gưl lăi pơthâo dơlăm, pơđĭ tui tơlơi pơmin kơ anih anom, bruă mă, bruă gơgrong mơng Khul mơnuih mă bruă tơlơi phiăn Việt Nam – pơphun bruă kơđi čar – mơnuih mơnam – bruă mă; Hơkrŭ đĭ dong, ngă giong, pơdŏng Khul mơnuih mă bruă tơlơi phiăn Việt Nam jai hrơi jai kơjăp kơtang kơ pơphun bruă; Pơplih phrâo kơtang bôh yôm, jơlan gah bruă mă mơng Khul; Ngă tui bruă mă mơng Khul mơnuih mă bruă tơlơi phiăn amăng bruă bơkơtuai mơnuih ƀôn sang; pok prong dong bruă gum hrom hăng hơdôm khul grŭp hăng mơnuih pơplih phrâo amăng kual hăng jar kơmar; pơgang klă tơlơi pơmin mơng Ping gah; Grŭp mă bruă Ping gah Kơnuk kơna črâo ba Kơnuk kơna tañ pơplih phrâo bôh yôm tơlơi črâo trun anai; črâo ba hơdôm sang anô̆, gơnong bruă hăng gong gai plơi pla ngă gal brơi kơ bruă Khul mơnuih mă bruă tơlơi phiăn hơdôm gưl tui tơlơi pơkă amăng tơlơi phiăn...

Siu H’ Prăk: Pơblang