VOV4.Jarai - Amăng thun 2022, Ding jum wai lăng rơhuông adai lŏn mơnai amra čih pơkra, mơ-it kơ Khua pơ ala mơnuih ƀon sang dêh čar hơdôm črăn tơlơi phiăn lŏn mơnai (čih pơkra glăi). Anai lĕ 1 amăng 9 bruă phun mơng gơnong bruă wai lăng rơhuông adai lŏn mơnai amăng thun 2022 anai. Tui anun, boh tơhnal čih pơkra glăi hơmâo đing nao kơčăo bruă mă yua lŏn mơnai, nua sĭ lŏn hăng hơdôm bruă mă pơhrui, thun blan yua lŏn… anai lĕ hơdôm bruă glăk bưp lu tơlơi tơnap tap, ngă gun găn lơ̆m pok pơhai hơdôm bruă amăng pơđĭ kyar bơwih ƀong huă mơnuih mơnam ƀơi djop ƀon lan. Khua ding jum wai lăng rơhuông adai lŏn mơnai Trần Hồng Hà brơi thâo, bruă čih pơkra tơlơi phiăn lŏn mơnai tal anai kiăng kơ pơjing rai tơlơi phiăn lăp djơ̆ ha amăng plĕ, djơ̆ hrŏm amăng wai lăng, mă yua klă ƀiă dong, dưi mă yua lŏn mơnai amăng pơđĭ kyar bơwih ƀong huă - mơnuih mơnam, pơhlôm wai pơgang rơnuk rơnua, bong glăi ayuh hyiăng pơplih sat.

Siu Đoan: Pơblang