Kiăng djru brơi ƀing čơđai sang hră tơnap tap hơđong pran jua pơplông mă ƀăng anih 12, tơring čar Kon Tum hmâo laih lu hơdră djru ƀing čơđai. Amăng rơbêh kơ 5.000 čô čơđai pơplông mơ̆ng tơring čar Kon Tum ngă hră nao pơplông Tal pơplông mă ƀăng anih 12 thun anai, hmâo rơbêh kơ 1.100 čô čơđai sang hră tơnap tap, dưi hmâo sang hră amăng tơring čar ngă gal brơi pơhrăm brơi pioh pơplông ƀơi sang hră. Kơnong hăng hơdôm bôh Sang hăng gưl 3 hmâo kơnuk kơna rông ba djuai ania ƀiă, ƀing čơđai sang hră dưi pơpha wot anih dô̆ hăng djru prăk ƀong huă.

Kiăng hmâo ngăn drăp djru ƀing čơđai, hơdôm bôh tơring glông, plơi prong mơ̆ng tơring čar Kon Tum mă yua ngăn drăp hăng iâo pơhrui gum djru, truh ră anai hmâo laih 430 klăk prăk. Ră anai, Khul hlăk ai tơring čar Kon Tum glăk pơsur dong hơdôm bôh anom, ƀing thâo tơngiă, pioh đĭ dong bruă gum djru ƀing čơđai tơnap. Gơnong bruă pơtô pơhrăm tơring čar Kon Tum hăng hơdôm tơring glông, plơi prong, gơnong bruă khul grŭp mơ̆ng tơring čar amra đing nao ngăn drăp, gum djru djop mơta hăng ƀing čơđai truh kơ pơđut tal pơplông. Tơlơi gum tơngan hrŏm mơ̆ng hơdôm gưl, gơnong bruă lĕ sa tơlơi pơsur prong biă hăng nai čơđai pioh pơđĭ tui anô̆ klă bruă pơhrăm glăi tañ pioh pơplông mă ƀăng gưl 3 thun anai./.