Tơdơi kơ 5 thun ngă hrŏm pơgang hăng ngă tơdu ƀiă tơlơi truh lŏn adai ngă gah bruă pơtô hăng pơjuăt, hơdôm anom bruă pơphun pơplông, pơtŏp bruă, kiăng abih bang thâo hluh hăng thâo pơgang tơlơi truh lŏn adai ngă. Lu tơlơi pơhing kơ bruă pơgang, ngă tơdu ƀiă hơmâo tơlơi răm rai yua lŏn adai ngă yôm biă mă, hơmâo pơphun pơplông kah hăng “Djru pơklaih brơi boh lŏn - Čơđai pơčeh rai mơnuih sông kơtang dưi pơgang tơlơi truh lŏn adai ngă hăng ayuh hyiăng pơplih, we rup gah rơngiao hơmâo anăn “Hrŏm hăng adơi gum pơgang tơlơi truh lŏn adai ngă - Akŏ pơjing rơnuk tơdơi kơjăp”, pơtŏp pơgang tơlơi truh lŏn pơpư̆ ƀơi sang hră gưl sa Măng Đen, tơring glông Kon Plong, Kon Tum...

Rơngiao kơ hơdôm boh than hơmâo ngă, jơlan hơdră hơmâo ngă hrŏm pơgang tơlơi truh lŏn adai ngă kơplah wah Ding jum pơtô hăng pơjuăt hăng Ding jum bruă hmua hăng pơđĭ kyar ƀôn lan ăt dŏ hơmâo mơn lu tơlơi aka ƀu dưi ngă: ƀơi anŏ ñu ngă hrŏm ƀu tañ ôh, bruă jơnum ngui pơtô pơgang tơlơi truh lŏn adai ngă aka ƀu dưm kơnar; bruă pơtô pơjuăt kơ ƀing nai mơ̆ng hơdôm boh sang hră kơ bruă ngui ngor pơtô pơgang tơlơi truh lŏn adai ngă aka ƀu hơmâo lăng ba kơtang ôh.