VOV4.Jarai - Amăng mông jơnum hăng ƀing mă tơlơi pơhing phrâo tui tơđar tlam lơ 12/5, lăi glăi tơlơi tơña mơng ƀing mă tơlơi pơhing phrâo kơ rơnoh prăk djru mơng Kơnuk kơna Việt Nam brơi bruă djru ană mơnuih ƀơi Ukraine, Kơ-iăng khua pơtruh hiăp mơng Ding jum pơtom hiăp Đoàn Khắc Việt brơi thâo: Việt Nam pơdah pran khăp pap, ăt bơngŏt biă mă mơn kơ tơlơi truh sat kơ ană mơnuih yua blah ngă ƀơi Ukraine, laih dong brơi thâo kiăng pơđut hĭ bruă kơsung blah, pơhlôm rơnuk rơnua brơi mơnuih ƀon sang. Hăng pran jua anun, ngă tui tơlơi jak iâu mơng Sang gum hơbit djop dêh čar, Việt Nam pơsit pơgôp 500.000 đôlar Mi, hơmâo wŏt 100.000 amăng Keh prăk yua ječ CERF, 100.000 đôlar Mi brơi Grup ia jrao rŏng lŏn tơnah, 100.000 đôlar Mi brơi Keh prăk djru čơđai anet UNICEF, hăng 200.000 đôlar Mi hluai tui Khul kyâo bơrơkal mriah Việt Nam mơ-it nao Khul kyâo bơrơkal mriah Ukraine, djru pok pơhai hơdôm bruă djru ană mơnuih, djru brơi mơnuih ƀon sang bơbeč nao yua blah ngă ƀơi Ukraine.

Siu Đoan: Pơblang